នាយឧត្តមសេនីយ៍ ហុីង ប៊ុនហៀង ប្រកាសប្រឆាំងដាច់ខាត ក្រុមជនក្បត់ជាតិ៣ជំនាន់ នឹងអរគុណសន្តិភាព! មានសម្ដេចតេជោ ប្រទេសជាតិមានសុខសន្តិភាព!
ក្នុងឱកាសអញ្ជើញជួបសំណេះសំណាលជាមួយនាយ.ពលទាហានក្នុងបញ្ជាការដ្ឋានអង្គរក្ស នៅព្រឹកថ្ងៃទី១៨ ខែតុលា ឆ្នាំ ២០២២ ឯកឧត្ដម នាយឧត្ដមសេនីយ៍កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរង ខ.ភ.ម និងជាមេបញ្ជាការ បញ្ហាការដ្ឋានអង្គរក្ស បានប្រកាស (ប្រឆាំងដាច់ខាត ក្រុមជនក្បត់ជាតិ៣ជំនាន់)អរគុណសន្តិភាព! មានសម្ដេចតេជោ ប្រទេសជាតិមានសុខសន្តិភាព។
ឯកឧត្ដមកិត្តិបណ្ឌិត បានបន្តថា យើងជាកងយោធពលខេមរភូមិន្ទជាឆ្អឹងខ្នងដ៍រឹងមាំនៃប្រទេសជាតិ ទោះបីស្ថិតក្នុងស្ថានភាពបែបណានិងមានតម្លៃប៉ុណ្ណាក៍ដោយក៍កងយោធពលខេមរភូមិន្ទ ត្រូវការពារ ឱ្យបានរឹងមាំនូវសន្តិភាព ប្រឆាំងដាច់ខាតបដិវត្តន៍ពណ៌មិនឱ្យកើតមាននៅលើទឹកដី កម្ពុជាបានជាដាច់ខាតឡើយ។ បន្តត្រូវយកចិត្តទុកដាក់ការពារសន្តិសុខ សុវត្ថិភាព ជូនថ្នាក់ដឹកនាំជាតិ អន្តរជាតិ ពិសេសពង្រឹងប្រព័ន្ធការពារទាំងសុខភាព សន្តិសុខ សុវត្ថិភាពឲ្យបានជូនប្រជាពលរដ្ឋ ស្មោះត្រង់ដាច់ខាតចំពោះជាតិ និងលើកកម្ពស់មនសិកាស្នេហាជាតិ គោរពលក្ខន្តិកៈរបស់កងយោធពលខេមរភូមិន្ទ មានគុណធម៌ មនសិការវិជ្ជាជីវៈ ក្នុងការបំពេញតួនាទីរបស់ខ្លួនយកចិត្តទុកដាក់សហការជាមួយអាជ្ញាធរដែនដីក្នុងការរក្សាសន្តិសុខសណ្ដាប់ធ្នាប់ក្នុងមូលដ្ឋានជួយអន្តរាគមន៍សង្រ្គោះប្រជាពលរដ្ឋរងគ្រោះមហន្តរាយផ្សេងៗត្រូវយកចិត្តទុកដាក់គ្រប់គ្រងថែរក្សាគ្រឿងបំពាក់រក្សាសាមគ្គីផ្ទៃក្នុងឱ្យបានល្អ ពិសេសគោរពឲ្យបានម៉ឺងមាត់បទបញ្ជារបស់រាជរដ្ឋាភិបាល ក្រសួងការពារជាតិ អគ្គបញ្ជាការប្រគល់ជូនមិនត្រូវធ្វើអំពើអ្វីដែលប៉ះពាល់ធ្វើឱ្យប្រជាជនថ្នាំថ្នាក់មានអារម្មណ៍មិនល្អមកលើកងយោធពលខេមរៈភូមិន្ទ។យើងត្រូវចងចាំជានិច្ចថា សព្វថ្ងៃនេះយើងមានអ្វីៗទាំងអស់គឺដោយសារប្រទេសជាតិមានសុខ សន្តិភាព ។
