ឯកឧត្តមបណ្ឌិត អ៊ុក រ៉ាប៊ុន អញ្ជើញជាអធិបតីបើកការដ្ឋានស្ថាបនាផ្លូវ១ខ្សែប្រវែង១២.៣៣០គីឡូម៉ែតនៅឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង
កំពង់ឆ្នាំងៈនៅព្រឹកថ្ងៃទី៧ ខែមិថុនា ឆ្នាំ២០២៣ ឯកឧត្តមបណ្ឌិត អ៊ុក រ៉ាប៊ុន រដ្ធមន្រ្តីក្រសួងអភិវឌ្ឍន៍ជនបទ និង ជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង បានអញ្ជើញជាអធិបតីភាពបើកការដ្ធានស្ថាបនាផ្លូវ០១ខ្សែ ប្រវែង១២.៣៣០គីឡូម៉ែត ចាប់ពីភូមិមានជ័យ ដល់ភូមិកងមាស ឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង ។
ពិធីបានប្រារព្វឡើងនៅបរិវេណវត្ត ឈើត្រាច ដោយមានការអញ្ជើញចូលរួមពី លោកជំទាវ កែ ច័ន្ទមុន្នី អ្នកតំណាងរាស្រ្តមណ្ឌលកំពង់ឆ្នាំង ឯកឧត្តម ឡុង ឈុនឡៃ ប្រធានក្រុមប្រឹក្សាខេត្ត លោក យិន សាវ៉េន អភិបាលរងខេត្តកំពង់ឆ្នាំង និងប្រតិភូអមដំណើរ ព្រមទាំងលោក លោកស្រីថ្នាក់ដឹកនាំមន្ទីរអង្គភាពជុំវិញខេត្ត អភិបាល អភិបាលរងស្រុក អាជ្ញាធរ ភូមិ ឃុំ ក្រុមយុវជន ស.ស.យ.ក ក្រុមកាយរិទ្ធិ និងប្រជាពលរដ្ឋក្នុងមូលដ្ធានជាច្រើននាក់ ។
សូមបញ្ជាក់ថាៈ ផ្លូវ០១ខ្សែនេះគឺជាគម្រោងពង្រឹងសមត្ថភាពផលិតភាពជនបទ ផ្តល់ហិរញ្ញប្បទានដោយរាជរដ្ឋាភិបាលកម្ពុជាតាមរយ:ធនាគារវិនិយោគហេដ្ធារចនាសម្ព័ន្ធអាសុី ផ្លូវ០១នេះចាប់ពីភូមិមានជ័យ ដល់ភូមិកងមាសឃុំគោកបន្ទាយស្រុករលាប្អៀរ ខេត្តកំពង់ឆ្នាំង មានប្រវែង១២,៣៣០ គីឡូម៉ែត្រ ទទឹង ០៨ ម៉ែត ក្រាលកៅស៊ូពីរស្រទាប់៖ ១០,២៦ គីឡូម៉ែត្រ ទទឹង ០៧ ម៉ែតក្រាលបេតុង២.០៧ ម៉ែត្រ ទទឹង ០៨ ម៉ែត្រសំណង់សិល្បការ្យ លូប្រអប់មាន ០២កន្លែង លូមូលកាត់ទទឹងផ្លូវ មាន ២៣ កន្លែង លូមូលកាត់ផ្លូវបំបែកមាន ២០ កន្លែង ។
